Sapos yu wanpela savaiva bilong ‘sarv’o yu save long wanpela savaiva, plis toksave lo mipela hariap. Ol koalisen patnas bilong mipela i stap lo sapotim yu. Mipela i laikim olgeta savaiva bilong “sarv’ long kisim jastis, painim sapot na kisim hiling.
Sorcery related violence (SARV) i save kamap taim ol laon i sutim tok o paitim o ronim narapela man/meri lo mekim soseri o posin.
Dispela vailens emi againstim lo
Sapotim ol SARV savaiva
Katolik Daiosis bilong Kundiawa i gat bikpela wok long givim sapot long sait bilong bilip na sosel sevis long olgeta hap bilong Simbu Provins, wantaim strongpela focus long jastis na raits bilong ol manmeri. Daiosis wok bung wantaim The Voice Inc., na kirapim namba wan SARV Legal Help Desk long dispela region bilong sanap long na paitim vaolens i kamap long tok Sanguma (Sorcery Accusation Related Violence) – dispela em wanpela bikpela hevi stap na i save bagarapim laip bilong ol manmeri i no gat strong.
Hailans Women Human Rights Defenders Movemen (HWHRDM) em wanpela bung bilong ol grasruts na komuniti-bes oganaisesen i kam long ol seven Hailans provins bilong Papua Niugini. Dispela movemen i wok long lukautim na strongim ol rait bilong manmeri, taim ol i fesim traibal pait, abus bilong meri, na bagarap i kamap long tok save bilong sanguma.
Famili Sapot Senta (FSC), we i stap aninit long Simbu Provinsel Helt Atoriti na i go het long han bilong menesa Jean Kupo, i givim bikpela help long sait bilong marasin na psychosocial care long ol manmeri i kisim bagarap long famili na seksuel vailens long provins.
Wantaim sapot bilong spesel trening long kaunseling na bihainim ol nesenel praioriti bilong helt, FSC i givim kwik help long taim bilong emerjensi, kaunseling long trama, plen bilong sefti, na sevis bilong mental helt. Dispela senta i lukautim ol kes long olgeta dei, moa yet long ol kes i involvim ol gel aninit long 16 krismas, na i gat tingting long opim moa satelait senta long olgeta sikis distrik bilong Simbu.
Long wok bung wantaim ol patna olsem Kundiawa Nursing College, FSC i wok long bildim lokal kapasiti na wokim wanpela helt rispons i gat bel isi na luksave long hevi bilong ol viktim.
Kup Women for Peace (KWP), em wanpela grasruts oganaisesen we i stat long yia 2000 long Simbu Provins, Papua Niugini. Dispela oganaisesen i stap aninit long lidaship bilong Human Rights Defender Angela Apa, na i wok long pinisim ol tribal pait, abus bilong meri (gender-based violence), na vailens i kamap long tok save bilong sanguma.
Maski KWP i no gat stretpela infrastraksa, ol i givim help long taim bilong krisis, ples hait (shelta), na helpim ol victim long go bek long ples bilong ol. Ol i givim tu help long stretim hevi namel long lain (mediesen), tok save long lo, na skul long rait bilong manmeri.
Ol kwik-rispons netwok bilong KWP, wok bung wantaim ol local institusen, na patnasip wantaim ol nesenol na intanesenol oganaisesen i helpim ol long stretim hevi, bringim bek wantaim ol famili, na sapotim ol komuniti i lusim ples bilong ol. Long dispela rot, KWP em wanpela bikpela lain i bringim pis na strongim ol manmeri long Hailans.
Polis bilong Kundiawa long Simbu Provins i wok strong long paitim Sorcery Accusation Related Violence (SARV) long mekim ol operesen i gat mak bilong holim ol manmeri i mekim abus, maski ol i gat sot long risos na infrastraksa.
Ol polis i wok bung wantaim ol lain olsem The Voice Inc. na Katolik Daiosis bilong Kundiawa long helpim ol victim. Wanpela bikpela help em SARV Legal Help Desk, we i givim lawyer halivim, oda bilong proteksen, na ol narapela rot long civil lo olsem tok klia long bagarapim nem (defamation).
Dispela wok bung wantaim i strongim rot bilong kisim stretpela kot na soim olsem planti rot i mas bung wantaim long brukim dispela kain vailens na bringim bek sefti long ol komuniti i kisim bagarap.
Komyuniti Developmen Agency (CDA) long Simbu Provins, Papua Niugini, i gat bikpela wok long lukautim na stretim hevi bilong SARV. Long rot bilong bikpela netwok bilong ol komuniti, CDA i helpim ol pipol long wok bung long mekim ol program bilong komuniti yet, kamapim save long ol pipol, na wokim rot bilong salim ol manmeri i kisim bagarap i go long ol servis inap helpim ol.
Fri lo sapot i stap long Kundiawa. SARV Legal Help Desk i save givim hait (confidential) lo advis, helpim long kisim proteksen oda, wokim civil claim, na salim yu long ol narapela sapot sevis sapos yu nidim.
Ol lo advaisa bilong mipela i redi long helpim yu long save gut long ol opsen bilong yu na long go insait long lo system.
Sapos yu laik kisim hait lo advais, ringim popur@thevoicepng.org o kolim 7245 1083.
PNGAus Partnership i soim strongpela pasin bung wantaim Australia na Papua Niugini long wokim PNG i gat bel isi, i stap strong, na i kamapim gutpela ekonomi. Long dispela wok bung, tupela gavman i putim dispela wok olsem priority: long stretim hevi bilong gender-based violence na SARV, long rot bilong sapotim ol grassroots oganaisesen na ol rot we komuniti yet i stiaim, bilong strongim save na strong bilong ol pipol long ples long wokim komuniti i stap seif moa.
Lainim olsem wanem yu ken sapotim Local Leadership & Collective Action Program long pinisim SARV long rot bilong ol komuniti-progrem bilong The Voice Inc we komuniti yet i stiaim.